談時間與你投入比特幣既關係 (港式粵語)
(原文在 Threads)
Threads 上睇到有仁兄分享及早投資，其中兩句係咁：
「時間係最好嘅朋友都係最大嘅敵人 有啲嘢真係要早啲部署」
可以再借題發揮一吓 。我呢七年一直叫人買 bitcoin，點解要不厭其煩咁做呢？因為我知時間個重要性。好多人都知滾雪球係指利叠利，但其實唔只係金錢方面既滾雪球，而係知識及視野既滾雪球。
我只是比你早幾年
我 2017 年開始接觸 crypto，我信呢樣野，但我都係新手，到我較堅定地成為 bitcoin 信徒，其實最早都要數 2019 年，其實都只係較堅定，我果陣都未識用 Ledger，亦唔明點解我個 bitcoin 錢包會有咁多 addresses，乜野 PoW UTXO 乜柒都唔識。係一路接觸更多，學習更多，令我對 bitcoin 的信念隨時間增加，可以令我到 2020 年 3 月 10K 插落去 3K 時，我 8K，7K，6K，5K，4K 都 set 左 buy order 接，結果跌到 3 字頭我已無錢接；到三年後既 2023 年 3 月，矽谷銀行危機引發 USDC 之亂，我就將當時所有穩定幣轉至 BTC 及 ETH，BTC 平均價是 20K。如果你而家算係新手，我其實只係早你幾年，絕對不是專家。
時間會滾大知識及視野，前提是你要先開始
因為越來越投入，就令我投到像 SOL 這些帶來數百倍回報既項目，如果我本身心態未 ready，就算機會黎到，都唔會投，而當時我有問過其他朋友有冇興趣一齊投，都有唔少人拒絕左。
到上年我再踏入一個以前完全無諗過自己會做既行列，就係挖礦，但唔係挖 bitcoin，係 Kaspa。如果唔係之前參與咁多 BTC 同 PoS 項目，我又唔會睇到 Kaspa 個優點，而且，就算已經好似我咁既經驗，又有良師又有團隊，我第一筆 KAS 係 2022 年 8 月就有，但我都要到 2024 年中先開始認真學佢既野。
所有野都要先開始學習，跟啱學習既道路 (即係唔係只係關注交易，要學吓點用 wallet，bitcoin 解決緊乜野問題之類)，然後知識及人脈就好似雪球咁滾大，雪球滾大左，你接觸面又會更多，又有更多機會。
早學，早試，早撞板
因為已建立深刻既認識，令我知道，我對 BTC 既理解係多過 HKD，絕大部份人覺得我渣九成以上係 BTC and crypto 好高風險，但我係唔會咁諗的，我係會覺得渣九成以上 HKD 先大風險，所以點解我又會有租樓好過買樓呢類觀點。
當然會有 haters 響幣災大熊市時就會跳出黎笑鳩我死得未，佢地唔會明白既係，如果一樣野賺過 300 倍無走到，跌左九成，其實係仲賺緊 30 倍。當然，前提係我就要識得分邊啲可以渣邊啲唔得，所以我先會係大半都係 BTC，係要學要試要撞板先會磨練到，所以及早開始係咁重要。
「及早開始」係同自己比
有啲識左我都 30 年既朋友，2017 又問我 crypto，2021 又問我 crypto，多年過去，但都無乜行動，或者佢地今年又會再問我，但可能都仲係問緊「bitcoin 係咪呃人」之類。到時我都唔知俾乜野回應。
「及早開始」唔係同人比，係同自己比。你可能會覺得「吊，你 3K 果陣就入場講乜都得啦」，但我 2017 初入圈時，BTC 突破 3K ，已係比上個 ATH 升左一倍以上，比佢一年前升左十幾倍，日日創緊新高，同大家近月見到既情況一樣架咋，我當時都係見到一啲 2013 年 100 蚊樓下買 BTC，0.3X 投 ETH 既人。
可能五年後或十年後，BTC 見 $1M，到時啲人又係同你講，「吊，你 100K 果陣就入場講乜都得啦」。
邀請你使用 Kastle
我的公司 Forbole 正全方位進軍 Kaspa 生態！繼去年開始成為 Kaspa 礦工及為 Kaspa 開發者社區提供 RPC 服務，我們亦開發了全新的 KAS 錢包 Kastle，現正開放 beta 版本給各位讀者試用，這版本目前是 chrome extension，支援 Chrome 及 Brave 瀏覽器。目前功能較簡單，旨在希望大家體驗 KAS：
安裝並使用 Kastle
以此連結下載安裝 Kastle 在你的 Chrome 或 Brave 瀏覽器。加入 Kastle 的 Telegram，如你用 Kastle 時有任何疑問及意見反饋，歡迎在 Telegram 提出，我們團隊會認真回應。
關注 Kastle X 賬號。
Kastle 的錢包功能只是它的開端，我們將持續更新，加入新的功能，誠邀各位參與！
如需要少量 KAS 來試用 Kastle，請電郵致 terence@forbole.com 以提供你的 Kaspa 錢包收款地址 (是以 “kaspa:” 開首的)，我盡力安排 :)
比特幣已開始了一場由下而上的財富革命，通過平民百姓的參與來改變由精英階級主導的財富分配規則，令社會發展得更公平均衡，這機會是歷史上絕無僅有，而經過十多年的發展，情況已越來越明朗。我推動比特幣、加密貨幣及 web3 的市場教育，希望令更多人能把握這個機會並獲益於這些科技，令大家實現真正的財務自由。歡迎你轉發這文章給你的朋友，並懇請你向朋友推薦本欄。